Gamot Sa Almoranas: Diosmin + Hesperidin (Daflon 1000)

gamot sa nagdudugong almoranas

Kung ikaw ay naghahanap ng gamot sa almoranas o lunas sa almoranas, mas maiging maintindihan muna kung ano nga ba ang sakit na ito. Ang almoranas ay ang kondisyon kung saan namamaga ang mga ugat o veins sa loob ng rectum o sa labas ng puwet. Madalas itong naihahalintulad sa varicose veins, at nakakadulot ng pangangati, pananakit sa apektadong parte, hirap sa pag dumi, at pagdurugo.

Isa itong pangkaraniwang kondisyon at tatlo sa bawat apat na adult ang nakakaranas nito sa kanilang buhay. 1 Dahil madalas itong mangyari, hindi na rin mahirap maghanap ng gamot sa almoranas. 

Dito, pag-uusapan natin ang mga paaran para maiwasan at malunasan ang almoranas.

Paano Maiwasan Ang Almoranas?

Maraming mabisang gamot sa almoranas sa panahon ngayon. Bagama’t madalas itong mangyari, importante pa ring gawin natin ang makakaya upang maiwasan ang almoranas. Narito ang iilang mga pwedeng gawin para mabawasan ang posibilidad na magkaroon ng almoranas:

 

Kumain ng mayaman sa fiber na pagkain

 

Makakatulong ang fiber sa pag iwas sa almoranas dahil ito ay nagpapalambot at nagpaparami ng dumi. Dahil dito, mababawasan ang strain sa mga ugat sa puwet. Madalas na mababa ang fiber levels ng mga taong nagkakaroon ng sakit na ito. Pwedeng gamot sa almoranas ito kung babaguhin ang diet para hindi mas lumalala ang sakit.

Ilang halimbawa ng mga pagkaing mayaman sa fiber ay mga prutas tulad ng avocado, mga gulay tulad ng broccoli at brussel sprouts, mga whole grain na pagkain at iba pa.  Maaari ring uminom ng mga fiber supplements kung kailangan.

 

Panatilihing malinis ang apektadong parte

 

Para makaiwas sa impeksyon o iba pang komplikasyon, siguraduhing malinis palagi ang apektadong parte. Ang almoranas ay nangyayari sa ating puwetan, kaya dapat ay paligi natin itong nililinis nang maayos pagkatapos dumumi at kapag naliligo araw-araw. Mas mabuti kung maligamgam na tubig ang gamiting panglinis dito. Kung gumagamit naman ng toilet paper, siguraduhing hindi ito tuyo para makaiwas sa irritation, at wala dapat itong alcohol.

 

Uminom ng maraming tubig

 

Bukod sa ibang mga naitutulong nito sa ating katawan, ang madalas na pag-inom ng tubig ay nakakalambot din ng dumi. Kung umiinom ka ng mahigit 8 na baso ng tubig araw-araw ay mas makakaiwas ka sa almoranas dahil lalambot ang iyong dumi.

Mga Lunas Sa Almoranas

Sa panahon ngayon, marami kang mahahanap na gamot sa almoranas sa mga botika o sa iba pang bilihan ng gamot. Pero marami ring mga lunas sa almoranas na pwede mong gawin sa bahay. Sa ganitong mga paraan, maaari mong mabawasan ang pananakit at iba pang sintomas ng pamamaga. Heto ang iilan sa kanila:

Hot Sitz Bath

Ang sitz bath ay ang pagbabad ng apektadong parte sa mainit o maligamgam na tubig. Nakakatulong ito dahil pinapaluwag ng maligamgam na tubig ang ating mga ugat. Dahil dito, mababawasan ang pamamaga at sakit na mararanasan sa almoranas.

Para gawin ito, kumuha ng palangganang sapat ang laki para magkasya ang baywang at puwetan. Pununin ito ng maligamgam na tubig, at siguraduhing sakto lang ang init at hindi nakakapaso. Umupo ng mga 10-15 minuto o hanggang lumamig na ang tubig. Gawin ito ng dalawa o tatlong beses araw-araw para agarang maramdaman ang bisa.

Cold Compresses 

Isa pang mabisang gamot sa almoranas ay ang paggamit ng cold compresses o ice pack. Para mabawasan ang sakit o pangangati, kumuha ng yelo at ibalot sa plastic at tela bago itapal sa almoranas.

Tandaan na hindi dapat basta-bastang ididikit ang yelo sa apektadong parte kaya importanteng may telang nakabalot.

Pagsuot ng maluwag na damit

Kapag may almoranas, importanteng maluwag na damit ang isuot para hindi lalong ma-strain o magkaron ng labis na pressure sa puwetan. Ang pagsuot ng maluwag at breathable na damit ay makakaiwas sa paglala ng pamamaga ng almoranas.

Operasyon

Kung hindi agad nabigyan ng gamot sa almoranas, o di kaya’y may komplikasyon na nangyari, kakailanganin ng operasyon para matanggal ang almoranas. Ang doktor dapat ang magdedesisyon kung anong klaseng operasyon ang gagawin. May iilang paraan para gamutin ang almoranas ng operasyon:

  1. Hemorrhoidectomy (hemorrhoid removal) – Sa kahit anong paraan o technique na gagamitin ng doktor, matatanggal ang sobrang tissue na dulot ng pamamaga ng ugat sa puwet. Ang hemorrhoidectomy ay isa sa pinakamabisang lunas sa almoranas. Mas mababa ang posibilidad na babalik ang almoranas sa ganitong paraan. Madalas na may nararanasan pang sakit pagkatapos ng operasyon, kaya siguraduhing iinumin ang mga ireresetang gamot ng doktor.

  2. Hemorrhoid stapling – Dito, pinipigilan ng pagstaple ang pagdaloy ng dugo sa hemorrhoidal tissue. Mahigit na mas kaunti ang mararanasang  pananakit sa ganitong pamamaraan, at mas maagang makakabalik sa normal na mga aktibidad. Ang kaibahan nito sa hemorrhoidectomy ay maaari pa ring bumalik ang almoranas at pwede ring magkaroon ng rectal prolapse, kung saan ang parte ng rectum ay nakalabas sa puwet.
MPFF : Diosmin + Hesperidin (Daflon® 1000) 

Diosmin + Hesperidin (Daflon 1000) : Gamot Sa Almoranas Ng Tao

Malaking tulong ang mga lunas sa almoranas na pwedeng gawin sa bahay lamang. Mababawasan at maari pang mawala ang mga sintomas na nararanasan natin. Pero hindi nila kayang gamutin nang tuluyan ang almoranas. Para maagapan agad ang sakit, subukang uminom agad ng gamot sa almoranas.

Ang Diosmin + Hesperidin (Daflon 1000) ay gumagamit ng micronized, purified flavonoid fraction (MPFF) upang pagalingin ang mga ugat o veins na nagdudulot ng almoranas. Pinapalakas nito ang ating mga ugat para makaiwas at makababa ng pamamaga. Ang Daflon 1000 ay may 1000 mg na mas pinapabilis at pinapabisa ang gamot sa almoranas. 7

Kung makaranas ng almoranas, ang agarang pag-inom ng Diosmin + Hesperidin (Daflon 1000) ay siguradong makakadulot ng mabilisang paggaling!

Para Mabilis Na Gumaling, Piliin Ang Epektibong Gamot Sa Almoranas: Diosmin + Hesperidin (Daflon 1000)!

Kung gusto mong mabilis na gumaling sa almoranas at makaiwas sa oprasyon, piliin ang isa sa pinaka mabisang gamot sa almoranas: ang Diosmin + Hesperidin (Daflon 1000)! Basahin ang product overview ng gamot para matuto tungkol dito, o i-contact kami dito para sa mga katanungan!